<p>प्राय: स्त्रीहरु प्रतिदिन २० देखि २५ हजार जति शब्दहरु बोल्दछन् तर पुरुषहरु भने ७ देखि १२ हजारजति शब्दहरु प्रतिदिन बोल्दछन् । हरेक दिन जब पुरुषहरु बाहिर काम गर्न जान्छन्, उनीहरुले ७ देखि १२ हजार शब्दहरु आफूले काम गर्ने ठाउँ (विद्यालय/ कार्यालय) मा नै बोलीसक्छन् र उनीहरु घरमा बोल्न चाहदैनन् । तर २० देखि २५ हजार जति शब्दहरु बोल्ने पत्नीहरू भने दिनभर बोल्न नपाएका कारण कहिले पति घर फर्कलान र उनीसंग कुरा गरूँला भनि पर्खिरहेका हुन्छन् ।</p>
<p>यो पुस्तकमा लेखकले नवोदीयमान अनि स्वच्छ मनोद्वेगले भरिएर नेपाली इसाई साहित्यमा एक नौलो मौलिक आयाम कोर्ने साहस गरेका छन् । मन्द गतिमा दौडिरहेको इसाई साहित्यलाई एक्सिलिरेटर थिचिदिएर गति दिएका छन् । यस पुस्तकले जीवनका हरेक पगहरुमा उतार-चडावलाई यथार्थ भोगेका र भोग्दै रहेका स्वयं लेखक र हरेक पाठकहरुको दु:ख, कष्टमा क्षणिक सान्त्वना मात्र होइन; परमप्रभु परमेश्वरको प्रगाढ प्रेम हाम्रो जीवनमा अथाह रहेछ भन्ने कुरा पनि सिकाउछ ।</p>
<p>शिक्षा, मार्गदर्शन र अर्तीमात्र होइन यस पुस्तकले पाठकलाई सर्वेक्षण गर्ने, आफैलाई जाच्ने र सुधार गर्ने अवसर पनि प्रदान गरेको छ । यो पुस्तक अन्धविश्वास, भ्रम र कमजोर चेतनाबाट यात्रा गरिरहेका परिवारलाई दुर्घटना र वियोगबाट बचाउने एउटा मार्गदर्शक को रुपमा लिन सकिन्छ ।</p>
<p>परिवारको विषयमा धेरै नेपाली पुस्तकहरु खाचो भइरहेको बेला पास्टर लाजरस थुलुंगको यो पुस्तक एउटा प्रार्थनाको उत्तर हो । नेपाली क्रिस्टियन जगतमा लेखिएका पुस्तकहरुमध्ये परिवारको विषयमा लेखिएको उत्कृष्ट पुस्तक हो जहाँ बाइबलका मूल्य र मान्यताहरुलाई लेखकले सटीक प्रकारले समेटेका छन् । </p>
