<p class="isSelectedEnd">बाइबल एउटा ठुलो पुस्तक हो, जसले सबैभन्दा महान् कथाको बारेमा बताउँछ। यसको प्रत्येक पृष्ठले संसार सृष्टि गर्नुहुने, इतिहासमा कार्य गर्नुहुने र वर्तमानमा पनि निरन्तर कार्य गरिरहनुहुने परमेश्वरको बारेमा बताउँछ।&nbsp;<em>सबैभन्दा महान् कथा बाइबल कथापुस्तक&nbsp;</em>मा पास्टर केभिन डियोङले बालबालिकाका लागि १०४ वटा छोटा अध्यायमार्फत यो महान् कथालाई प्रस्तुत गरेका छन्।</p> <p class="isSelectedEnd">उत्पत्तिदेखि प्रकाशको पुस्तकसम्म पुग्दै, डियोङले बाइबलका विभिन्न कथाहरूलाई रोचक ढङ्गले पुनःकथन गर्दै ती कथाहरू बाइबलको समग्र कथासँग कसरी जोडिन्छन् भन्ने कुरा स्पष्ट गर्छन्। प्रत्येक पाठसँगै पुरस्कार-विजेता कलाकार डन क्लर्कद्वारा तयार गरिएका सुन्दर चित्रहरू छन् र प्रत्येक कथा मनन गर्नका लागि एउटा प्रार्थनासँग समाप्त हुन्छ। सुत्नुअघि पढ्न वा परिवारसँगै पढ्नका लागि उपयुक्त यो पुस्तकले बालबालिका र अभिभावक दुवैलाई बाइबलको मनमोहक कथालाई सरल, बुझ्न सजिलो र प्रभावकारी ढङ्गले फेरि अनुभव गर्न मदत गर्छ।</p> <p><strong>पुस्तकका विशेषताहरू</strong></p> <ul data-spread="false"> <li><strong>केभिन डियोङद्वारा लेखिएको र डन क्लर्कद्वारा चित्राङ्कित:</strong>&nbsp;सर्वाधिक बिक्री भएको सहायक पुस्तक&nbsp;<em>The Biggest Story: How the Snake Crusher Brings Us Back to the Garden</em>&nbsp;का स्रष्टाहरू।</li> <li><strong>बाइबलका १०४ कथाहरूको स्मरणीय पुनःकथन:</strong>&nbsp;६&ndash;१२ वर्षका बालबालिकालाई बाइबलको एकीकृत कथा बुझ्न मदत गर्छ।</li> <li><strong>प्रत्येक पृष्ठमा पूर्ण-रङ्गीन चित्रहरू:</strong>&nbsp;जीवन्त चित्रहरूले बालबालिकालाई प्रत्येक रोचक कथामा आकर्षित गर्छन्।</li> <li><strong>The Biggest Story शृङ्खलाको एक भाग:</strong>&nbsp;<em>The Biggest Story ABC</em>,&nbsp;<em>The Biggest Story: The Animated Short Film</em>&nbsp;लगायत बाइबललाई जीवन्त बनाउन मदत गर्ने अन्य सामग्रीहरू पनि यस शृङ्खलामा समावेश छन्।</li> <li><strong>उच्च गुणस्तरको निर्माण:</strong>&nbsp;सिलाइ गरिएको बाइन्डिङ र रिबन मार्कर समावेश गरिएको छ।</li> </ul> <p><strong>केभिन डियोङ</strong>&nbsp;(पिएचडी, युनिभर्सिटी अफ लेस्टर) म्याथ्युज, नर्थ क्यारोलाइनास्थित &lsquo;क्राइस्ट कभनेन्ट चर्च&rsquo; का वरिष्ठ पास्टर तथा &lsquo;रिफर्ड थियोलोजिकल सेमिनारी, सार्लट&rsquo; का सुव्यवस्थित ईश्वरशास्त्र (Systematic Theology) का सह-प्राध्यापक हुनुहुन्छ। उहाँले बालबालिका, वयस्क र प्राज्ञिक वर्गका लागि थुप्रै पुस्तकहरू लेख्नुभएको छ, जसमा जस्ट डू समथिङ (Just Do Something), क्रेजी बिजी (Crazy Busy), र द बिगेस्ट स्टोरी (The Biggest Story) प्रमुख छन् । केभिन र उहाँकी पत्नी ट्रिशाका नौ जना छोराछोरी छन् ।</p> <p><strong>डन क्लर्क</strong>&nbsp;एक चित्रकार तथा सियाटल, वासिङ्टनस्थित व्यापक रूपमा सम्मानित र पुरस्कार-विजेता डिजाइन स्टुडियो &lsquo;इन्भिजिबल क्रिएचर&rsquo;&nbsp;(Invisible Creature) का सह-संस्थापक हुनुहुन्छ। उहाँले टारगेट (Target), पिक्सर (Pixar), नासा (NASA), द न्यू योर्क टाइम्स (The New York Times), लेगो (LEGO) र एप्पल (Apple) जस्ता प्रतिष्ठित ग्राहकहरूसँग काम गरिसक्नुभएको छ। डन र उहाँकी पत्नी एरिकाका तीन जना छोराछोरी छन् र उहाँहरू सियाटल बाहिर एउटा सानो फार्ममा बस्नुहुन्छ ।</p>